Apple Event — September 9 - Apple-მა iPhone 17 ოფიციალურად წარადგინა

 

Apple-მა iPhone 17 ოფიციალურად წარადგინა

Apple-მა ახალი თაობის iPhone 17 ოფიციალურად წარადგინა. როგორც კომპანიის განცხადებაშია ნათქვამი, სმარტფონები აღჭურვილია A19 პროცესორით, უფრო დიდი ეკრანით და მინიმუმ 256 GB მეხსიერებით. ეკრანი წინა მოდელებთან შედარებით ხუთჯერ უფრო მდგრადია ნაკაწრების მიმართ.

📸 iPhone 17 ხუთ ფერში იქნება ხელმისაწვდომი და ახალი წინა კამერით გამოირჩევა, რომელიც ფოტოების გადაღებას შეძლებს როგორც ვერტიკალურ, ისე ჰორიზონტალურ რეჟიმში — მოწყობილობის შემობრუნების გარეშე. სტანდარტულ მოდელს ექნება ორი კამერა:

• 48 მპ ფართოკუთხოვანი

• 12 მპ სტანდარტული

📱 iPhone 17 Pro სამ ფერში გამოვა — ვერცხლისფერი, მუქი ლურჯი და მკვეთრი ნარინჯისფერი. ახალ მოდელს სამი 48-მეგაპიქსელიანი უკანა კამერა ექნება, გაუმჯობესებული ზუმის და სუსტი განათების პირობებში გადაღების შესაძლებლობებით.

🤳 პრეზენტაციაზე ასევე წარმოდგენილი იყო iPhone Air — ულტრა თხელი მოდელი მხოლოდ 5.6 მილიმეტრი სისქით. ის მუშაობს A19 Pro პროცესორზე და სრულიად ახალ N1 ჩიპზე, რომელიც უკაბელო ტექნოლოგიებზეა პასუხისმგებელი. Apple-ის განცხადებით, ეს არის კომპანიის ისტორიაში ყველაზე ენერგოეფექტური iPhone. მთავარი კამერა 48 მპ-ია, წინა კი 18 მპ.

💵 წინასწარი გაყიდვები 12 სექტემბრიდან დაიწყება. ოფიციალური ფასები ასე გამოიყურება:

• iPhone 17 — $799

• iPhone Air — $999

• iPhone 17 Pro — $1,099

• iPhone 17 Pro Max — $1,199

ფასები მეხსიერების მოცულობის შესაბამისად გაიზრდება.