10 05 22 კონფლიქტოლოგი, ზაზა ცოტნიაშვილი მედიაჰოლდინგ „კვირას“პრესკლუბში
ოკუპირებულ ცხვინვალის რეგიონში ე.წ. საპრეზიდენტო არჩევნებში კრემლის მხრიდან ღიად მხარდაჭერილი კანდიდატის მარცხი ოკუპაციის პირობებში მაინც კარგი ინდიკატორია, თუმცა, გაგლოევი, როგორც მარიონეტული ხელისუფლების წარმომადგენელი, მოსკოვის მითითებებს გააგრძელებს, – ამის შესახებ კონფლიქტოლოგმა, ცხინვალისა და გორის სახელმწიფო უნივერსიტეტების ყოფილმა რექტორმა, ზაზა ცოტნიაშვილმა მედიაჰოლდინგ „კვირას“ პრესკლუბში გამართულ პრესკონფერენციაზე განაცხადა. ცოტნიაშვილი ოკუპირებულ ცხვინვალის რეგიონში ჩატარებული ე.წ. საპრეზიდენტო არჩევნების მეორე ტურის შედეგებს გამოეხმაურა. მისი თქმით, მნიშვნელოვანია ის, რომ ხალხის აზრის ხელოვნურად შეცვლა ვეღარ გაბედეს. „მოგეხსენებათ, ოკუპირებულ ცხინვალის რეგიონში ე.წ. საპრეზიდენტო არჩევნების მეორე ტური ჩატარდა, სადაც კრემლის ფავორიტი ბიბილოვი დამარცხდა და არჩევნებში ახალმა სახემ, ალან გაგლოევმა გაიმარჯვა. ვფიქრობ, რომ ის, ამ ეტაპისთვის, გარკვეული თვალსაზრისით საინტერესო...
