მიუხედავად იმის, რომ ბევრი მკვლევარი, პროფესორი თუ ექსპერტი მუშაობს ჩვენი ქვეყნისთვის სასიცოცხლოდ მნიშვნელოვან გეოპოლიტიკურ და კონფლიქტურ პროცესებზე, სამწუხაროდ არ ვართ განებივრებული საუნივერსიტეტო სივრცისთვის ღირებული თანამედროვე სახელმძღვანელოებით. ამ თვალსაზრისით მნიშვნელოვანი შენაძენია ცნობლ ავტორთა კოლექტიური ნაშრომი “ჰიბრიდული ომების ანატომია.”💥💥 სასურველი საგნების შესწავლა; ერთიანი ეროვნული, სამაგისტრო გამოცდებისთვის მომზადება - ონლაინ ან აუდიტორიაში, თქვენი სურვილისამებრ 💥💥
ქართულ ენაზე, პრაქტიკულად პირველად, მკითხველს აქვს შესაძლებლობა სიღრმისეულად გაეცნოს ჰიბრიდული ომის კომპონენტებს, ძირითად გამოწვევებს, შესაძლებლობებს და მისი შეჩერების მეთოდებს.
ანოტაციაში ვკითხულობთ: “წიგნი სხვადასხვა თეორიული მასალის ანალიზისა და პრაქტიკული მაგალითების სინთეზით წარმოგიდგენთ არსებულ რეალობას და მომავლის გამოწვევებს. სახელმძღვანელოში მნიშვნელოვანი ადგილი ეთმობა მეორე მსოფლიო ომის შემდგომი საერთაშორისო წესრიგის განხილვას, მათ შორის, ომისა და მშვიდობის საერთაშორისო-სამართლებრივ რეჟიმსა და მის ხარვეზებს, მსოფლიო თანამეგობრობის მიერ მიღებული გადაწყვეტილებების აღსრულების შესაძლებლობებსა და ნაკლოვანებებს, რომლებიც ასუსტებს და ლეგიტიმაციას უკარგავს საერთაშორისო სამართლებრივ სისტემას.”
💢💢 რომელ უნივერისტეტებში მოხვდნენ განათლების სახლის კურსდამთავრებულები - იხილეთ ფოტოალბომი
წიგნის რედაქტორი და წინათქმის “მცირე სახელმწიფოების დიდი სტრატეგია” ავტორი გახლავთ თინათინ ხიდაშელი; საქართველოს ომს მეოთხე განზომილებაში განიხილავს გიორგი მასალკიანი, ომის კომპლექსურ ხასიათს XXI საუკუნეში - გიორგი ბუტიკაშვილი; ჰიბრიდული ომის სამხედრო კომპონენტს - ომარ ბეგოიძე; ჰიბრიდული ომის სამართლებრივ გამოწვევებს - ბესიკ ლოლაძე; საერთაშორისო წესრიგს - ნიკოლოზ აგლაძე; ნატოს ჰიბრიდული საფრთხეების პოლიტიკას - მიხეილ დარჩიაშვილი; ევროკავშირის ჰიბრიდული საფრთხეების პოლიტიკას - კახა გოგოლაშვილი; შიდა სახელმწიფოებრივი სისუსტეების რუსულ იარაღად ქცევის ჰიბრიდულ სტრატეგიას საქართველოსა და უკრაინის მაგალითზე - შოთა ღვინერია; რუსეთის საინფორმაციო ოპერაციებს აღმოსავლეთ და ცენტრალურ ევროპაში - ვერონიკა ვიჩოვა; მომცრო მედეგი სახელმწიფოს მშენებლობას რუსეთის საზღვართან ესტონეთის მაგალითზე - ივო იურვეე; სტრატეგიული კომუნიკაციების მნიშვნელობას ჰიბრიდული ომის პირობებში საზოგადოების მედეგობის შენარჩუნების მიზნით - გიორგი მოლოდინი; ისლამური სახელმწიფოს ჰიბრიდულ ომს - ზურაბ აგლაძე და დათო ჩხეტიანი; რუსულ ჰიბრიდული ომს საქართველოს წინააღმდეგ აფხაზეთის ომის მაგალითზე - კახაბერ ესებუა; კიბერსაფრთხეებს და მათთან ბრძოლის სტრატეგიულ მიმართულებებს საქართველოს პერსპექტივიდან - ანდრია გოცირიძე; რუსული ჰიბრიდული ომის და საზოგადოებრივი აზრის პრობლემებს საქართველოში - იაგო კაჭკაჭიშვილი;
სახელმძღვანელოს ახლავს: გამოყენებული ლიტერატურურის ჩამონათვალი, ტერმინების განმარტებები, ანბანის მიხედვით უცხო ენაზე გამოყენებული აბრევიატურების განმარტება და ავტორთა ბიოგრაფიები.
💚💚 წონაში კლების პროგრამა HerbaLife-ისგან
დიდი მადლობა გამომცემლებს და ავტორებს ჩვენი სალექციო კურსების ასეთი რესურსით უზრუნველყოფისთვის. ნამდილად საშური საქმე გაკეთდა, რომელიც იმედია, სპეციალისტებისთვისა და მკითხველთა ფართო წრისათვის კიდევ უფრო მასშტაბური გამოცემების შეთავაზებით გაგრძელდება. კვლევებზე დაფუძნებული სახელმძღვანელოებით ჩვენი მომავალი თაობების აღზრდა საქართველოს დამოუკიდებლობის შენარჩუნების, ტერიტორიული გამთლიანებისა და ქვეყნის განვითარების მნიშვნელოვანი წინაპირობაა.
2021.01.24
თბილისი
#განათლებისსახლი
#კსუ
#ჰიბრიდულიომები
#საინფორმაციოომები
