გენერაციული ხელოვნური ინტელექტი და კაცობრიობის მომავალი
29 ივნისს, ბათუმის SOLO ლაუნჯში გიწვევთ პროფესორ ზაზა ცოტნიაშვილის SOLO Talks-ზე - გენერაციული ხელოვნური ინტელექტი (GenAI) და მისი პოტენციური გავლენა კაცობრიობის მომავალზე
ზაზა განიხილავს GenAI-ს, როგორც „უცხო ინტელექტს“ (Alien Intelligence), რომელმაც ენის, როგორც ცივილიზაციის მთავარი საოპერაციო სისტემის, გატეხვით მოიპოვა ნარატივების შექმნის, კანონების წერისა და ადამიანურ ემოციებზე მანიპულირების უნარი
ლექციაზე პასუხი გაეცემა ეგზისტენციალურ კითხვებს:
რა ბედი ეწევა ადამიანის შრომას, როცა კოგნიტურ უნარებს მანქანა ჩაანაცვლებს და შეიქმნება „უსარგებლო კლასის“ გაჩენის საფრთხე?!
როგორ იცვლება ავტორიტეტის ცნება, როდესაც ფინანსურ, პოლიტიკურ თუ რელიგიურ გადაწყვეტილებებს ჩვენ ნაცვლად და ჩვენზე უკეთ ალგორითმები მიიღებენ?!
რა არის საქართველოს წინაშე მდგარი გამოწვევები და შესაძლებლობები „მონაცემთა კოლონიალიზმის“ ეპოქაში?!
დასკვნითი ნაწილი დაეთმობა გადარჩენის სტრატეგიების ძიებას XXI საუკუნეში, მათ შორის, სწორი ინსტიტუციური მექანიზმებისა და რეგულაციების დანერგვის აუცილებლობას - როგორიცაა, მკაცრი მოთხოვნა, რომ AI ყოველთვის ამჟღავნებდეს საკუთარ ვინაობას ადამიანთან კომუნიკაციისას, რათა დაცული იყოს დემოკრატიული პროცესები?!
Comments
Post a Comment