2015 წლის საახალწლო მილოცვა
2015 წლის 1 იანვარს ტელეკომპანია ერთსულოვნების ეთერში გასული საახალწლო მილოცვა
ჩემო ძვირფასო ცხინვალელებო,
დიდი და პატარა ლიახვის, ქსნის ხეობის მკვიდრნო,
გილოცავთ ახალ 2015 წელს!
ჩვენ იმ მიწა-წყლის პირმშონი ვართ, სადაც ქართული ენის სრულყოფილად
შეგრძნების მიზნით დიდი მიხეილ ჯავახიშვილი სტუმრობდა.
ჩვენ განსაცდელი თან გვდევს, მაგრამ მთელი ჩვენი სამშობლოს ისტორია,
ხომ სწორედ გადარჩენისთვის ბრძოლაა.
საუკუნეების განმავლობაში იმპერიები ძლიერდებოდნენ, ამბიციებს იკმაყოფილებდნენ
და შემდეგ მათი დაცემის მოწმეც ხდებოდა ისტორია, მაგრამ ჩვენ დასაბამიდან დღემდე, მადლობა
უფალს, კვლავ ვინარჩუნებთ ჩვენს მეობას!
მინდა თბილი და გამამხნევებელი სიტყვებით მოგმართოთ, რაც თქვენთვის
დიდი ნუგეში, ალბათ, არ იქნება, მაგრამ მე მწამს - ის რაც არ გვანადგურებს, გვაძლიერებს!
სწორედ ჩვენ უნდა ვიყოთ ადამიანები, რომლებიც ცხოვრებას არ უშინდებიან
და ყოველი ახალი წლის დაწყებას იმედით ხვდებიან!
ჩვენ თავად უნდა შევძლოთ უკეთესი მომავალის შექმნა, იმედია გარკვეული
მხარდაჭერა ჩვენი ხელისუფლებისგან და თანამოძმეებისგან არ მოგვაკლდება ახალ 2015 წელს!
გისურვებთ მხნეობას! ძალების მოკრებას და წარმატებას ახალი მიღწევებისთვის!
ჩვენს მიწაზე დაბრუნების იმედი ნუ მოგვიშალოს ღმერთმა.
მოუსმინეთ: აუდიო ვერსია
Comments
Post a Comment